Að vera unglingur í dag er mjög flókin upplifun og er oft misskilin af fullorðnum. Þó að unglingsárin hafi alltaf verið tími breytinga og að finna sjálfa/sjálfan/sjálft sig, þá er álagið sem unglingar standa frammi fyrir í dag einstakt og stundum yfirþyrmandi. Það er allt frá streitu vegna skóla og lærdóms yfir í streitu vegna samfélagsmiðla. Svo að það sé hægt að skilja líf nútíma unglings þá krefst það sveigjanleika, aðlögunarhæfni og sterks stuðningsnets.
Ein mikilvægasta áskorun sem unglingar standa frammi fyrir í dag er þrýstingur til að skara fram úr í námi. Mikilvægi árangurs í námi hefur aldrei verið meiri og það er lögð mikil áhersla á nám yfir höfuð. Frá unga aldri er okkur kennt að verðmæti okkar sé bundið við einkunnir á bæði verkefnum og prófum. Þessi stanslausi eltingaleikur við það að ná góðum einkunnum í námi getur leitt til mikillar streitu, kvíða og kulnunar meðal unglinga. Þar að auki eru þær væntingar sem gerðar eru til unglinga utan skóla mjög miklar. Ungmenni verða fyrir skilaboðum frá samfélaginu, fjölmiðlum og jafnvel jafnöldrum um það hvernig það á að vera aðlaðandi og vinsæll. Samfélagsmiðlar eins og Instagram, Snapchat og TikTok hafa skapað umhverfi þar sem ímynd er mjög mikilvæg og þrýstingurinn á að sýna fullkomið líf getur verið kæfandi. Stöðugur samanburður við ritstýrðar útgáfur af raunveruleikanum getur rýrt sjálfsöryggi og ýtt undir slæmar tilfinningar. Neteinelti hefur aukist og þar á meðal þær áskoranir sem unglingar standa frammi fyrir í dag. Nafnleyndin sem internetið veitir hvetur fólk sem leggur í einelti að nota netið til þess að áreita, hræða og niðurlægja fólk refsilaust. Fyrir marga unglinga er internetið einhverskonar sprengja full af særandi athugasemdum, útilokun og illgjörnu slúðri. Óttinn við að vera einhvers konar skotmark fyrir einelti á netinu getur valdið því að félagsleg samskipti séu full af kvíða og ótta.
Til viðbótar við akademískan og félagslegan þrýsting þurfa unglingar einnig að glíma við kvíða fyrir framtíðinni og hvaða óvissu henni fylgir. Efnahagslegur óstöðugleiki og pólitísk ólga í samræmi við loftslagsbreytingar varpa fram óvissu fyrir næstu kynslóðir. Möguleikarnir á að komast inn í fullorðinsár í heimi sem glímir við loftslagsbreytingar og tekjujöfnuð getur verið yfirþyrmandi. Þrátt fyrir þessar áskoranir eru ungmenni yfirleitt skilningsrík og úrræðagóð. Manneskjur búa yfir meðfæddri getu til sköpunar og samúðar sem lofar bjartari framtíð. Þar að auki eru unglingar yfirleitt ekki einir á báti, og ekki hægt að ofmeta þann kraft sem samfélagið og aðrar tengingar geta gefið frá sér. Hvort sem það er í gegnum vini og fjölskyldu eða bara mikilvæga manneskju í lífi unglingsins, þá hafa unglingar oftar en ekki net af fólki sem getur veitt þeim aðstoð og umhyggju þegar á þarf að halda. Enn fremur er nauðsynlegt að muna að það að vera unglingur er ekki eingöngu skilgreint af vandamálum og áskorunum sem unglingar geta upplifað. Þetta er tími vaxtar, lærdóms og sjálfsuppgötvunar. Ungmenni eru hugsjónarík og ákveðin í að setja mark sitt á heiminn. Unglingar í dag finna oft skapandi leiðir til þess að framkalla jákvæðar breytingar og að ögra óbreyttu ástandi í heiminum.
Á endanum er álagið sem unglingar standa frammi fyrir í dag spegilmynd heimsins sem við lifum í. Þar sem samfélagið glímir við hraðar tækniframfarir, breytt menningarleg viðmið og þróun efnahagslegs veruleika eru unglingar í fremsta hluta þessara breytinga. Unglingar eru að sigla um óþekkt landsvæði, móta sjálfsmynd sína og örlög sín í heimi sem er bæði spennandi og ógnvekjandi. Að lokum má segja að það að vera unglingur í heiminum í dag er flókin og margþætt upplifun. Allt frá streitu í skóla og lærdómi yfir í streitu vegna samfélagsmiðla, álagið sem þau standa frammi fyrir er fjölbreytt og margskonar. Með stuðningi samfélagsins og ákveðni til að þrauka hafa unglingar í dag möguleika á að sigrast á mótlæti og dafna í heimi óvissunnar.
—
Anna Kristín Skúladóttir, nemi í tómstunda- og félagsmálafræði